Hanuun
Haddaan iri habowdee tolow,diinta ku hanuuna
Hadal iyo oraah kuma Ekee,Hubiya towxiidka
Habaar qabiyo shaydaan war yay,gacan idiin haadin
Xaqaan kugu hagay ma,anigaa,hadimo kuu gaystay
Idinkoo hareer maray waddadii,haadkii garan waayay
Oo hayjad iyo meel cidla ah,kula habboonaatay
Haddii aan dariiq lagu hiritiyo,hilinka kuu sheegay
Xaqaan kugu hagay ma,anigaa,hadimo kuu gaystay
......Halaag baa shirkiga lagu mutaa,
holoca naareedeIntuu camalka kaa heensaduu, kula haraayaaye
Haydaaradii siyo hadaan, halista kuu sheegay
Xaqaan kugu hagay ma,anigaa, hadimo kuu gaystay
.....
Acmaashaad ku howshootayood, hor ale dhowraysay
Hoog weeye aakhiro haddii, lagu hungoobaaye
Haddaan iri cibaadad hufoo, heedda ka idleeya
Xaqaan kugu hagay ma,anigaa, hadimo kuu gaystay
...
Waxaa loo horseedaa tolkaa, hogo barwaaqaade
Towxiidku waa harac janiyo, hogol daruureede
Haddan iri habsaantee nimcada, horay usoo gaara
Xaqaan kugu hagay ma,anigaa, hadimo kuu gaystay
....
Alaa hodana oo laga dhargaa, wuxuu hibeeyaaye
Had iyo cayshaddin wuxuu ku qoray, hooyo riximkeede
Haddaan iri makhluuq kale waryaan, gacanta loo hoorsan
Xaqaan kugu hagay ma,anigaa, hadimo kuu gaystay
....
Xabaalaha habaas lagu rogoo, toodi hanan waayay
Haween iyo waxay maal dhaqeen, uu rag kale howshay
Haddaan iri ha tuugina manfaco, kama helaysaane
Xaqaan kugu hagay ma,anigaa, hadimo kuu gaystay
...
Hawa raac wuxuu mudanayyaa, naarta haawiya e
Hadyigii rasuulkiyo kitaab, aan hal lagu dhaafin
Haddaan iri shareecada ilaah, reerka ku hogaansha
Xaqaan kugu hagay ma,anigaa, hadimo kuu gaystay
...
Qawaaniinta gaal huuraliyo, hoolifluhu keenay
Hadafka reer galbeedkoo kugriga, lagu hagaayaaye
Haddan iri ha raacina dhib buu, kuu horkacayyaaye
Xaqaan kugu hagay ma,anigaa, hadimo kuu gaystay
...
Hayb iyo ciddii diimo badan, waa haalagsamine
Hanuunka alle iyo dimuqraadi waa, waxaan hishiinayne
Haddaan iri war hoy labada dhinac, meel un ku hagaaga
Xaqaan kugu hagay ma,anigaa, hadimo kuu gaystay
...
Hiyigaagu meeshuu jiraad, u hanqal taagaysid
Hadba ruuxii aad jeceshahaa, lagu haleelsiine
Haddaan iri fogey kaafirkaad, hoosta galinaysid
Xaqaan kugu hagay ma,anigaa, hadimo kuu gaystay
...
Hoobaaq inuu kugu ridiyo, hagardo mooyaane
Hanuunkaaga nimaan doonihayn, khayr inaad hanatid
Haddaan iri heshiis gaal malehe, taada hore uqaado
Xaqaan kugu hagay ma,anigaa, hadimo kuu gaystay
...
hungurigiyo adduunyadaba waad, u halgamaysaane
Habeen iyo dharaar kama baxdaan, see wax loo heline
Haddaan lama huraankiyo ku iri, aakhiro hagaahso
Xaqaan kugu hagay ma,anigaa, hadimo kuu gaystay
...
Jaahil aan hingaad iyo aqoon , ha, iyo woow toona
Hubantiyo run weeyoo filkii wuu ka harayyaaye
Haddaan iri waqti uhura cilmiyo, horumar weeyaane
Xaqaan kugu hagay ma,anigaa, hadimo kuu gaystay
…………
Halsitiyo culamada Shirkiga, kuu hadoodilaye
Oo aan hanaankii Dacwada sooba hadal qaadin
Haddaan iri hanuun kuuma sugnee, yaanay ku habaabin
Xaqqaan kugu hagaayee ma anigaa, hadimo kuu geeyay
***
Nimankaa Hinduu iyo Muwaxid, heer u wada joogo
Oo aan baraa’adii haansanayn, hiilo iyo qiiro
Haddaan iri nin tiisii halligay, yuusan ku halaajin
Xaqqaan kugu hagaayee ma anigaa, hadimo kuu geeyay
***
Nimankaan hawadu qaadatee duni, u haaraaya
Kuwa diinti hilib loo qaliyo, hoodo yara siistay
Haddaan iri hunguri baa wadee, maalka ha horeysta
Xaqqaan kugu hagaayee ma anigaa, hadimo kuu geeyay